Gjiko vërtet mund të mungojë sot në ditëlindjen e bashkëshortes së tij Elita Rudi, por ama ka ditur si ta shlyejë një gjë të tillë me super urimin që i ka bërë pak më parë në Instagram.
Me disa foto të tyre në çift të papublikuara më parë, reperi i njohur ka zgjedhur fjalët më të bukura për ditën speciale të Elitës.
“Urime ditlindja gruja jem , Shote galica jem! Ty tkom sa ni ushtri , s’ka lufte qe s’e fitojm , TE DU @elita.rudi”-ka shkruar Gjiko në postimin që me siguri do ta ketë emocionuar pafund moderatoren e famshme.
Elita Rudi ditën e sotme feston ditëlindjen e saj të 26, e cila ndryshe nga të mëparshmet është dhe më speciale për të pasi këtë vit, ajo feston për herë të parë si nënë, pas ardhjes në jetë të vogëlushit bukurosh që prindërit e kanë pagëzuar me emrin Zëri.
Megjithatë, mbrëmjen e sotme Gjiko nuk do të jetë pranë saj për të festuar si vitet e mëparshme, pasi është i angazhuar në një koncert.
