Nuk dimë se kush është përgjegjës për këtë, por punonjësit shqiptarë kanë produktivitetin më të ulët në rajon! Ndonëse mund të kalojnë më shumë se 8 orë në punë, apo të sakrifikojnë fundjavat, punëdhënësit sërish nuk janë të kënaqur më performancën e tyre. Kjo mund të na bëjë që të cilësohemi nga të huajt si popull dembel dhe se nuk kemi dëshirë për të punuar.
Sipas Monitor, në treguesin e produktivitetit të dukshëm të punës, të matur përmes Vlerës Bruto të Shtuar (VBSH) për punonjës (prodhimit për punonjës), Shqipëria renditet e fundit në rajon.
Për vendin tonë, ky tregues është pak më shumë se 10 mijë dollarë në vitin 2015 (e matur me dollar konstantë 2010), nga gati 15 mijë dollarë që është mesatarja e gjithë Ballkanit Perëndimor, sipas një grafiku të publikuar nga Banka Botërore.
Produktivitetin më të lartë e ka Kosova, me gati 18 mijë dollarë, e ndjekur nga Mali i Zi, Bosnja, Serbia, Maqedonia dhe në fund vendi ynë.
