Aktori i njohur turk, Kivanç Tatlitug së fundmi është rikthyer në ekranin shqiptar me një serial i cili është pritur mjaft mirë.
Ai është në rolin kryesor në serialin “Ironia e fatit” dhe këtë herë duket më ndryshe se të gjitha rolet ku jemi mësuar ta shohim.
Edhe vetë Kivanç është shprehur se ky rol për të ka qenë një sfidë, për të cilën iu desh të punojë shumë.
“Ka disa ngjashmëri mes karaktereve të cilat kam luajtur në projektet e tjera. Megjithatë, është shumë e rëndësishme për mua që rolet që luaj të jenë të dallueshëm dhe të ndryshëm nga njëri-tjetri. Mbi këto baza formësoj edhe karrierën time profesionale. Kadir, Kuzey, Kurt Sejit, Halil, Behlul dhe Xhesur… ata janë të gjithë të ndryshëm nga njëri-tjetri. Për shembull, këtë herë tek “Ironia e Fatit” është hera e parë që unë luaj rolin e një babai, apo të një oficeri policie. Ishte një sfidë. Jemi stërvitur shumë. Kadir, përfundimisht është një karakter unik për mua”, u shpreh Kivanç.
Në këtë film aktori luan rolin e ‘Kadir’ dhe ndryshimi është pëlqyer shumë tek fansat.
