Këngëtarja shqiptare me famë botërore, Bebe Rexha zbuloi këtë muaj një surprizë të madhe që e kishte paralajmëruar prej kohësh. Ajo tregoi se në datë 7 maj do të publikojë albumin e saj të ri me titull “Better Mistakes”. Artistja publikoi një kopertinë të albumit, në të cilën ajo shihej e veshur me një trupore të plotë bardhë e zi. Këngëtarja kishte plot 3 vite që nuk kishte sjellë asnjë album dhe kishte kohë që po përgatitej për këtë moment.
Deri më tani janë publikuar vetëm dy këngë nga ky album. Së fundmi, Bebe ka promovuar albumin që do dalë së shpejti duke publikuar disa foto ku shfaqet duke pozuar topless dhe i la të gjithë pa fjalë.
Gjatë një interviste për “Daily Telegraph”, autorja e hitit “Sacrifice” ka treguar këngën e saj të preferuar dhe arsyen pse.
“Kënga për të cilën jam krenare është “I’m a Mess” sepse e ndjeva se është Bebe më e sinqerta, dhe e vërteta. Prandaj doja të bëja një album që është zgjatim i kësaj kënge, ta bëj “I’m a mess” që të jetë në hip hop.“, tha Bebe.
Ditë më parë,këngëtarja mori së fundmi një surprizë shumë të këndshme nga fansat e saj për albumin e ri. Ata i kanë dërguar në shtëpi një tufë me trëndafila të kuq dhe me një shënim emocionues, që e ka prekur shumë këngëtaren.
“Është nga fansat e mi. Thotë ‘urime për albumin e dytë. Jemi shumë krenarë për ty . Do të kemi për gjithë jetën’. Kam fansat më të mirë në botë. Kjo është shumë e ëmbël. Faleminderit. Ju dua shumë”, shprehet Bebe në videon e saj me lot në sy.
