Vetëm 2 javë më parë, këngëtarja Elvana Gjata publikoi bashkëpunimin super të suksesshëm me Capital T, të titulluar “Fustani”. Ky bashkëpunim ka arritur deri tani plot 11 milionë klikime në Youtube dhe është kthyer në një ndër këngët më të dëgjuara të kësaj vere.
Mirëpo, këngëtarja s’ka ndërmend të ndalet me kaq. Duket se Elvana do të na sjellë shumë shpejt një tjetër hit veror, për të cilin është ende në punë e sipër.
Në profilin e saj në Instagram, Elvana ka ndarë me ndjekësit një foto nga xhirimet e klipit dhe duket me të vërtetë një copë ylli! Këngëtarja është veshur me të bardha dhe ka zbuluar barkun dhe dekoltenë.
Elvana ka zgjedhur të mos japë asnjë detaj më tepër në lidhje me klipin e ri, përpos faktit që xhirimet e tij po bëhen në Spanjë.
Epo, me siguri kënga e re do të jetë zjarr, siç duket Elvana në këtë foto!
