Hyrja për në Kalanë e Krujës nuk do të jetë më e njëjta pas përfundimit me sukses të projektit “Kruja Si’Xhade”.
Ka qënë moderatori i emisionit “Chaud patate”, Flori Gjini i cila ka marrë nismën për realizimin e këtij projekti dhe është mbështetuar nga Ambasada Zviceriane.
Nëpërmjet postimit në Instagram Flori ka treguar se e gjithë puna është bërë për 58 orë dhe është ndihmuar nga gjimnazistët e qytetit.
“Qilimi” prej 400 metrash katrorë i dha më shumë jetë qytetit historik të Krujës në kuadër të Vitit të Skënderbeut.
“Dje u inagurua me sukses projekti Kruja Si’Xhade, qilimi me motivet e vjetra (400m2) i realizuar për 58 orë punë, së bashku me 25 të rinj të gjimnazit “Skënderbeu”. I dhamë jetë një qyteti të vogel si Kruja, por që ka shumë për të treguar. Si viti i heroit tonë kombëtar, kjo ishte detyra më e bukur. Faleminderit Ambasadës Zviceriane për mbështetjen, nëpërmjet “Swiss Cultural Fund” dhe Ambasadorit Christoph Graf për vizitën e tij, CBTL team për profesionalizmin dhe Bashkisë Krujë për mikpritjen, zyrtarisht është e juaja. Ndërkohë ne jemi gati për të vazhduar turin tonë në qytetin e radhës me skuadrën e RIAS “- ka shkruar Flori në postimin e tij.
