Sulmi me breshëri armësh ndaj shtëpisë së familjes së gazetares Klodiana Lala, është dënuar nga të gjithë, veçanërisht nga kolegët e saj, të cilët kanë mbushur rrjetet sociale me reagime nga më të shumtat.
Me të drejtë, kolegët e gazetares kanë dënuar sulmin ndaj familjes së saj, dhe faktin që rendi dhe siguria në Shqipëri, lënë për të dëshiruar. më poshtë të gjitha reagimet e kolegëve të Klodiana Lalës:
Artan Hoxha: Klodin e kanë kërcënuar me qindra herë
Kolegu i saj prej 15 vitesh, Artan Hoxha ka dënuar sulmin ndaj Klodiana Lalës, ndërsa shprehet se gazetaren e kanë kërcënuar me qindra herë në forma nga më të ndryshmet:
“Nuk është hera e parë që e kanë kërcënuar. Përkundrazi, për më shumë se një dekadë e gjysëm që punoj me të, jam dëshmitar dhe kam qenë në krah të Klodit kur e kanë kërcënuar me dhjetëra dhe me qindra herë, me të gjitha format e mundshme. Pavarësisht presionit të pashembullt, Klodi i ka përballuar si asnjë femër gazetare që njoh në këtë vend. Gjithnjë ka dalë më e fortë”, shkruan Hoxha.
Ervin Goci: Gazetarët t’i konsiderojmë se punojnë në Siri
Për pedagogun Ervin Goci, rendi dhe siguria kanë rënë në Shqipëri, dhe kushtet e punës janë bërë të ngjashme me ato të një gazetari që raporton nga Siria.
“Nuk di si janë rrethanat, po nëse është sulmuar shtëpia një gazetareje për shkak të detyrës, jemi përballë një situate ku rendi dhe siguria kanë rënë, dhe gazetarët t’i konsiderojmë se punojnë në Siri. Solidaritet me gazetaren, njerëzor dhe profesional, uroj që të ketë një reagim të shpejtë nga institucionet, përndryshe, kur preket gazetari, vendi është zhytur në spiralen e terrorit”.
Erion Kristo: Të mblidhemi në protestë!
Erion Kristo ka kërkuar solidarizimin e të gjithëve me rastin e pashembullt të sulmit ndaj gazetares Klodiana Lala, ndërsa u bën thirrje të gjithëve të ngrihen në protestë.
Enkel Demi: Sot, e kishte radhën ajo, nesër ne të tjerët!
Moderatori i njohur Enkel Demi ka dënuar sulmin në fjalë ndërsa shprehet se sipas Kanunit lajmësi nuk është prekur asnjëherë, por tashmë nuk njihet më ligji i traditës . Sipas tij, Klodiana nuk është as e para e as e fundit që rrezikon për shkak të detyrës:
“U është shtrënguar laku. Në ikje përherë inatin duan ta nxjerrin te gazetarët. Me Kanun lajmësi nuk preket. Por, këta nuk njohin as ligjin e traditës, as të riun. Njohin vetëm ligjin e mafies, ligjin e të “fortit”, sepse janë fryksa. Kanë bërë kaq dëme, sa e kanë lepurin në bark. Fryksa si i Pari i tyre! Të gjithë duhet të jemi me Klodin. Sot, e kishte radhën ajo, nesër ne të tjerët”.
Dritan Laçi: “Koha kur mbyllej goha me plumba ka marrë fund!”
Dritan Laçi i kërkon kryeministrit Rama të reagojë dhe të gjejë autorët e këtij sulmi, ndryshe gishti i fajësisë do të bjerë mbi të:
Burimi: Iconstyle.al
