“Dashuria është dashuri në çfarëdo lloj forme”, kështu shkruan trashëgimtarja e Top Channel, Sara Hoxha pas reagimeve negative që ka pasur ndaj çiftit të lesbikeve që u futën në Big Brother për të konkurruar për çmimin 100 milionë lekë.
Përmes një postimi në Instagram, Sara Hoxha ka dalë në mbrojtje të tyre.
“Duke lexuar të gjithë këtë negativitet dua të shpreh mbështetjen time për çdo njeri që zgjedh të luftojë për dashuri. Do të doja ta rrisja djalin tim në një botë ku ne jemi të pranuar dhe të hapur ndaj çdokujt, për të mos i vendosur njerëzit në kuti. Kjo është e vetmja mënyrë për të vazhduar përpara. Dashuria është dashuri në çdo lloj forme. Paçi fat vajza”, përfundon postimi i saj në Instagram, i cili menjëherë është mbështetur nga motra e saj Lori.
