Ndërkohë që Ariana Grande po mban turneun e saj muzikor “Sweetener”, muzeu i famshëm Madame Tussauds që bën figurat e të famshëmve prej dylli, ka vendosur të publikojë punën e fundit!
Bëhet fjalë për statujën prej dylli të Ariana Grande-s dhe na duhet të themi se rezultati është shumë zhgënjyes.
Figura prej dylli e Ariana-s jo vetëm që nuk është identike me këngëtaren, por nuk njihet dhe është shumë e shëmtuar.
Fansat kanë reaguar menjëherë duke publikuar fotot e statujës dhe duken tepër të inatosur:
“E urrej statujën prej dylli të Ariana-s. Nuk është fytyra e saj. Meriton më shumë respekt. Ajo është këngëtarja më e mirë e muzikës pop në botë dhe gjithë ç’mund të bëni është kjo. Duhet të krijoni një tjetër”, shkruan një fans i këngëtares në Twitter.
“Skulptura prej dylli e Ariana-s është fyese”, shkruan një tjetër.
Nuk e dimë se çfarë ka për të thënë Ariana pas këtyre fotove, por e marrim me mend përderisa nuk ka reaguar!
