Të gjithë e pëlqejnë Zvicrën dhe do të donin të jetonin atje. Por edhe pse ka pasur këtë fat, moderatorja Floriana Garo është shprehur se nuk është e lumtur që po jeton në Zvicër.
E ftuar në Opinion, në një speciale për qëndrimin apo jo në Shqipëri, Floriana tha se ajo zgjodhi ta linte Shqipërinë vetëm për shkak të dashurisë:
“Unë e zgjodha një vend të huaj për dashurinë, jo sepse ishte një vend më i mirë” – tha ajo për Opinion duke shtuar se dashuria është një arsye e fortë për ta “braktisur” vendin, por, megjithatë, këtu është më mirë, më rehat.
Për një jetë më të mirë ekonomikisht dhe për kushte më të mira jetesë, të jetuarit jashtë, tha Floriana, është një zgjedhje e mirë, por pyetjes nëse është më e lumtur në Shqipëri apo në Zvicësr, ajo iu përgjigj e sinqertë: “Unë kam qenë më e lumtur në Shqipëri.”
Me sa duket, Floriana ka sakrifikuar për dashurinë dhe është vendosur në Zvicër për hir të parnterit i cili është avokat dhe punon atje. Çifti priten të bëhen prindër shumë shpejt, të një vajze që me siguri do të marrë nga bukuria e nënës.
