Këngëtarja Afërdita Dreshaj dhe partneri i saj çek, Jakub Kindl, shumë shpejt do të bëhen prindër për herë të parë.
Afërdita është në muajin e shtatë të pritjes së ëmbël, ndërsa lajmin e bukur të shtatzënisë e dha që në muajt e parë kur mësoi se pret një bebush.
Cifti do të bëhet me djalë, përgatitjet për të cilin kanë nisur që tani.
Që prej fillimit të pritjes së ëmbël, Afërdita ka qenë kryefjala e mediave dhe fotot e saj në rrjet janë komentuar goxha shumë. Kjo për arsye se këngëtarja nuk kishte një bark shumë të rrumbullakosur dhe të gjithë dyshonin në fillim për shtatzëninë e saj.
Madje, Afërdita vazhdon të konsumojë sushi (ushqim që zakonisht nuk këshillohet për nënat shtatzëna) dhe vazhdon të ushtrohet rregullisht në palestër, gjëra që i kanë habitur ndjekësit.
Jo vetëm kaq! Këngëtarja pranon se nuk ka pasur asnjë shqetësim gjatë shtatzënisë dhe tregon se të gjithë habiten gjithashtu me energjinë e saj.
“A të lodh shtatzënia sepse të shoh që je shumë aktive.”-i shkruan një ndjekëse të cilës Afërdita ia kthen:
“Kam një super energji, të gjithë çuditen me mua.”
Epo, kjo është me të vërtetë një ndër shtatzënitë “e rralla” të cilat kemi dëgjuar.
