Vetëm 1 muaj pasi nisën romancën e tyre dhe nisën të bashkëjetonin, Demi Lovato dhe aktori Max Ehrich vendosën t’i japin fund beqarisë.
Duket se karantina e bashkoi më shumë çiftin dhe ata kuptuan se ishin bërë për njëri-tjetrin, ndaj s’u desh shumë kohë për të marrë një hap kaq të rëndësishëm në marrëdhënie.
Demi i tha “Po” një propozimi të bukur me unazë diamanti dhe duket se çifti ka ndërmend t’i bëjë të gjitha gjërat sa hap e mbyll sytë!
https://www.instagram.com/p/CC-S49WhMDR/?utm_source=ig_embed
Në një intervistë për “Popcrush Nights”, vetë këngëtarja ka zbuluar se dyshja po planifikon të martohet, teksa tregon se ndihet keq që s’mund të bëjë një festë të madhe me të gjithë miqtë dhe personat e saj të dashur.
Nga ana tjetër, ceremonia tepër private i duket diçka e mirë. Duke qenë se e gjithë jeta e saj ka qenë si një libër i hapur për këdo, Demi dëshiron që martesa e tyre të jetë “e shenjtë” dhe diçka tepër personale, vetëm mes saj dhe partnerit.
“Nga njëra anë, do të doja të shpëtoja sepse jeta ime është kaq publike dhe unë dua ta mbaj atë të shenjtë midis meje dhe tij”.- është shprehur Lovato.
Gjithashtu, këngëtarja ka zbuluar se ka filluar të shohë për fustanin e bardhë, i cili definitivisht s’do të jetë aspak tradicional.
Kjo deklaratë na shtoi akoma më shumë kureshtjen dhe mezi po presim të shohim foto nga dasma e çiftit!
