Gjatë ditëve të nxehta të verës të gjithë kemi tendencën që të shkojmë drejt vendeve bregdetare, por dilema që na shqetëson gjithmonë është se çfarë rroba banje të zgjedhim.
Mirëpo si gjithmonë personazhet e famshme janë ato që na vijnë në ndihmë me përzgjedhjet e tyre, të cilat përfaqësojnë tendencat më të fundit të modës. Edhe të famshmet shqiptare kanë nxituar që të publikojnë të paktën një foto me rroba banje nga pushimet luksoze të tyre dhe ne tashmë kemi filluar t’i xhelozojmë.
Përzgjedhjet e disave prej tyre janë aq me shije, aq praktike dhe “fashion” saqë të gjithë ne do t’i donin t’ua kishim vjedhur qoftë edhe për një foto që ta postonim në Instagram.
Lori Hoxha është një ndër fashionistat shqiptare e cila mund të themi me plot bindje që ka një koleksion të tërë rroba banjosh të cilat ne i xhelozojmë sa herë që ajo i poston në rrjetet sociale.
Të preferuarat e Lorit duket se janë rrobat e banjës trupore, por nuk mungojnë edhe ato të ndara.
Rrobat e saj të banjës të zeza, apo ato me motive janë aq të bukura dhe të rehatshme saqë do të donim t’i vishnim çdo ditë.
Ndërsa rrobat e banjës të bardha me pika të zeza, ku blogerja Armina Mevlani pozon “matchy-matchy” me shoqen e saj do të donim t’i kishim me patjetër në gardërobën tonë.
Moderatorja Liberta Spahiu mund të themi që këtë vit ka bërë pushimet më të çmendura. Ajo ka pushuar në Afrikë nga ku ka ndarë imazhe të shumta në vende tepër piktoreske. Mirëpo nga moria e fotove të saj na e kanë tërhequr vëmendjen rrobat e saj të banjës trupore në ngjyrë jeshile të cilat janë një dashuri e vërtetë.
Nëse dëshironi të dukeni seksi dhe të tërhiqni vëmendjen ndërsa jeni në plazh rrobat e banjës që ju duhen janë ato të këngëtares Soni Malaj.
Ndësa për t’u dukur sa më figurante “body” i bardhë i moderatores Kiara Tito është zgjedhja ideale. Me të do të dukeni mjaft elegante, por edhe tepër komode.
Rrobat e banjës së këngëtares Zaimina Vasjari janë ato që nuk do të donim t’i hiqnin kurrë nga trupi. Ngjyra e tyre rozë ju bën që të dukeni si një karamele e vërtetë, por e vë edhe më shumë në dukje ngjyrën që ju keni marrë tashmë.
Si rrallëherë këtë vit edhe këngëtarja Jonida Maliqi postoi në rrjetet social foto me rroba banje ku ekspozon format e saj seksi. Rrobat e saj të banjës të bardha janë ato që shumë vajza i xhelozojnë dhe do të të donin t’i kishin të tyret qoftë edhe për një ditë të vetme.
*Kujdes! Ndalohet riprodhimi i këtij materiali pa lejen e redaksisë së Iconstyle.al
