Gjëja më e vështirë që ke në dorë është të vendosësh emrin e fëmijës tënd. Shumë prindër përpiqen të modernizojnë emrat e fëmijëve në emra të rinj dhe të kohës, ndërsa të tjerë nuk lënë në harresë emrat shqiptarë.
Ne po sjellim sot një listë me emra të veçantë fëmijësh që të famshëm shqiptarë kanë vendosur, për të patur një ide për bebushin që po vjen në familjen tënde:
Gaz Paja & Ira Seferi – Dard
https://www.instagram.com/p/BzAwpzYAIGT/
Aktori i njohur i humorit, Gaz Paja dhe bashkëshortja e tij, Ira Seferi, u bënë dje prindër për herë të parë. Ira solli në jetë një djalë, të cilin e pagëzuan me emrin e veçantë Dard, që mendojmë se ka lidhje me rrënjët shqiptare, nisur nga fjala Dardan.
Sara Hoxha & Ledion Liço – London Noor- Roman
https://www.instagram.com/p/B3gxGLDnqvC/
Sara Hoxha dhe Ledion Liço janë bërë prindër për herë të parë më 13 dhjetor 2016. Ishte Sara, që zbuloi kuptimin e emrit të veçantë London Noor: “London: Sepse është vendi ku babai yt dhe unë u dashuruam dita-ditës. Noor: Sepse je dritë në jetët tona dhe sepse Noor (Dritë), +Itan = Dritan”. Ndërkohë këtë muaj, Sara Hoxha dhe Ledion Liço u bënë prindër për herë të dytë të një vogëlushi që e pagëzuan me emrin Roman. Pas London këtë herë dyshja zgjodhi qytetin e Romës ku Sara ka jetuar disa vite më parë dhe si ajo dhe Lori kanë treguar shpeshherë dashurinë e tyre për kryeqytetin italian nga ku kanë kujtime të shumta.
Bes Kallaku & Xhensila Myrtezaj – Ajka
Mund të jetë emri më i veçantë shqiptar që kemi dëgjuar dhe ka një kuptim shumë të bukur. Pasi u bë baba dje, aktori i humorit, Bes Kallaku sqaroi se emri ka lidhje me fëmijërinë e tij kur mezi priste të hante ajkën e qumshtit të gjyshes Ija. Kuptimi i dytë lidhet me gjënë më të mirë që kanë bërë Xhesi dhe Besi, pra “Ajka e jetës së tyre”.
Ansi Agolli – Blodin Brooklyn
Futbollisti shqiptar Ansi Agolli është bërë baba për herë të parë ditën e djeshme, me 16 maj 2018. Ansi dhe bashkëshortja e tij Rea, zgjodhën ta qujanë djalin e tyre Blodin Brooklyn, një emër shumë i veçantë.
Estela Ujka – Damar Brooklyn
Pak muaj më parë, erdhi në jetë vajza e tretë e blogeres Estela Ujka. Midis Brooklyn, Bronx dhe Manhattan, Estela zgjodhi Brooklyn, sepse pikërisht këtu i erdhi fundi pritjes së ëmbël. Si enët e gjakut që transportojnë lengun e jetës dhe oksigjenin në të gjitha qelizat e trupit për të na mbajtur gjallë, ashtu dhe Damari i vogël ka mbushur me jetë e oksigjen mami Estelen.
Besnik Qaka – Una
Më 20 mars 2018, Solisti i grupit muzikor “NRG Band” Besnik Qaka dhe bashkëshortja e tij Lolita zgjodhën një emër unik për fëmijën e tyre të parë. Ata e pagëzuan me emrin Una.
Ermal Mamaqi & Amarda Toska – Sia
Amarda Toska dhe Ermal Mamaqi, u bënë prindër të një vajze për herë të dytë më 12 mars 2018. Gjatë një intervistë, Ermali zbuloi se emri Sia, është një emër biblik që lidhet me mitet dhe energjinë pozitive. “Sia do të thotë fitore”, shpjegoi Ermali.
Floriana Garo – Adia
Më 12 mars, erdhi në jetë edhe vajza e moderatores Floriana Garo. Moderatorja dhe i fejuari i saj Enis Daci, vendosën ta qujanë vajzën e tyre të parë Adia.
Egla Harxhi – Luxifer
https://www.instagram.com/p/ByYNoOmH7rE/
Ish Miss-i Egla solli në jetë fëmijën e parë të cilin e quajti Luçifer, më 6 janar 2018. Ajo ka treguar se emri Luxifer (lyksifer) nuk është një emër francez por latin. Nga latinishtja ‘lux’ do të thotë dritë ndërsa ‘fer’ mbajtës, pra mbajtësi i dritës.
Jona Kalemaj – Santa
https://www.instagram.com/p/Bt-iSAnl2kS/
Ish- banorja e Big Brother Albania, Jona Kalemaj solli në jetë fëmijën e saj të dytë. Vajza u pagëzua me emrin Santa.
Alban Dudushi & Bieta Sulo – Kroi Art
Alban Dudushi dhe Bieta Sulo janë ndër çiftet më të dashura për publikun. Një vit më parë, çifti u bë prindër të një djali, emri i së cili është Kroi Art. “Një krua, kroi ynë i dashurisë dhe një vepër arti siç është ky që ne kemi nxjerrë në dritë”- tregoi Blerta teksa shpjegonte kuptimin e emrit.
Eni Jani & Genci Fuga – Ajër dhe Stina
Aktorët Eni Jani dhe Genci Fuga, kanë zgjedhur dy emra shqiptarë tejet të veçantë për vajzat e tyre, Stina dhe Ajër. Në një intervistë, Eni zbuloi sesi vendosi për emrat. “Nuk e kërkoja emrin, thosha do më vijë natyrshëm… Në ato momente përsërisja Stina, Stina ndërkohë që më pas thashë “Ajri”. Të gjithë e pëlqyen dhe ndaj u vendos që vajzën e dytë ta quajmë kështu. Stinë-ajër janë njësh, të përjetshme të dyja.” – tregoi ajo.
Jonida Shehu – Kristal
Kristal është emri i vajzës së moderatores Jonida Shehu, e cila erdhi në jetë një vit më parë. “Gjithçka e pastër, e kthjellët, e shndërritshme” – tregoi Jonida.
Delinda Zhupa – Dasantin
Një emër Ilir zgjodhi edhe Delinda Zhupa, aktorja e humorit. Ajo dhe bashkëshorti e quajtën djalin Dasantin.
Fjolla Morina – Alaja
https://www.instagram.com/p/BrxmP70Br0V/
Më 12 gusht 2018, erdhi në jetë Alaja, vajza e dytë e këngëtares Fjolla Morina. Ndërsa vajza e parë e Fjollës është 8 vjeç dhe quhet Lediana. .
Rudina Xhunga – Alana
Gazetarja e mirënjohur Rudina Xhunga dhe bashkëshorti i saj, diplomati Dritan Hila, vendosën ta quajnë Alana vajzën e tyre, siç është edhe emri i një guri të çmuar.
Sonila Meço – Amaris
Sonila Meço zgjodhi t’i vendoste vajzës së saj një emër shumë të veçantë. Amaris është emri me të cilin është pagëzuar foshnja, domethënia e të cilit është “e premtuara e zotit”.
Blendi Klosi – Ambla
Ambla, ishte emri që çifti Nora e Blendi Klosi zgjodhën për të voglën e tyre, që ashtu siç e parashikuan ua ëmbëltoi jetën me ardhjen e saj.
Inis Gjoni – Coco Antonel
Coco Antonel është emri që ka zgjedhur Inis Gjoni për vajzën e saj të parë… Këtë zgjedhje të veçantë regjisorja e shpjegon kështu: “Coco-ja, ka qenë personazhi i preferuar i Arjanit (babait të vajzës, që fatkeqësisht nuk jeton më) në komedinë “Salla e Banjës”, të cilën regjisorja e vuri në skenë në mars të vitit të 2011, ndërsa Antonel, është gjinia femërore e emrit të babait të saj, të cilin Arjani e kishte taksur t’ia vinte fëmijës së tyre të parë”.
