Adrenalina që të japin sportet ekstreme është e pakrahasueshme me çfarëdolloj sporti tjetër. Prandaj edhe shumë personazhe të famshëm që e kanë provuar të paktën njëherë në jetë një sport ekstrem, i janë rikthyer sërish atij.
Mendoni pak, nëse nuk do të kishte rrezik dhe adrenalinë gjatë ngjitjes, rrotullimeve dhe shpejtësisë, atëherë, cili do të ishte qëllimi i gjithë kësaj? Secili sport është më tërheqës për ata që janë në kërkim të sfidës dhe adrenalinës dhe këta të famshëm e dinë mjaft mirë:
Shtatorin e vitit të kaluar, ish-ministri Saimir Tahiri provoi parashutizmin nga lartësia marramendëse e Llogarasë, në drejtim të plazheve me rërë të bardhë e ujë të kaltër.
Ermal Hasimja. Pedagogu i njohur preferon ngjitjet në mal dhe në pikat më të larta. Fotot e tij në rrjetet sociale nga maja e Malit të Thatë apo Musalla, maja më e lartë e Ballkanit që gjendet në Bullgari, do t’ju bëjnë t’i keni zili.
Florjan Binajt i pëlqen që të bëjë rafting në “Kanionin e Osumit”. Ai e merr me humor këtë sport kur thotë se: “Po u lage poshtë kësaj ujëvare i bie që u lage me shampanjë”.
Ledri Vula preferon skitë në malet me borë. Edhe pse jemi në pranverë, reperi më i njohur shqiptar është larguar me shoqërinë e tij për të shijuar borën dhe akullin.
Një tjetër të famshmi që i pëlqen bora është Getoar Selimi, i cili bashkë me partneren e tij, moderatoren Marina Vjollca, kaloi disa ditë të paharrueshme në Austri.
Lori Hoxha ka plotësuar dy dëshirat e saj për ditëlindje, parashutizmin dhe ngjitjen në shkëmb që besohet se është një nga sportet më të vështira.
