Pavarësisht ndikimit që kanë në publik, disa nga të famshmit shqiptarë janë shprehur kundër komunitetit LGBT, veçanërisht homoseksualëve.
Ata e kanë thënë në publik se janë pro familjes standarde dhe prirjes seksuale mashkull-femër. Emra të njohur të skenës, ekranit apo sferës politike kanë dalë hapur kundër këtij komuniteti, shpesh edhe duke krijuar përplasje me aktivistët në mbrojtje të tyre. Më poshtë mund të shihni cilët janë këta personazhe:
Julian Deda
Julian Deda iu bashkua listës së 58 intelektualëve dhe njerëzve të njohur në fusha të ndryshme për peticionin pro familjes dhe kundër homoseksualëve. Në krye të kësaj liste ishte edhe mbrojtësi i çështjes kombëtare, Adem Demaçi dhe më tej lista vazhdon me të tjerë personalitete nga Shqipëria dhe Kosova, si Sidrit Bejleri, Milazim Krasniqi, Kim Mehmeti, Agron Tufa, Sidrit Bejleri, Shpëtim Saraçi, Ermal Mamaqi, Albano Bozdo, Vedat Ademi etj.
Mesila Doda
Mesila Doda është një nga deputetet që ka kundërshtuar propozimin për legalizimin e prostitucionit në Shqipëri. Ajo madje pati një përplasje në rrjetet sociale me një nga përfaqësuesit e komunitetit LGBT, Kristi Pinderi, që kaloi në fyerje të rënda.
Ermal Mamaqi
“Mundohuni të ndryshoni sa nuk është vonë” i këshillon moderatori i “Xing me Ermalin” personat me prirje homoseksuale. Në ditën ndërkombëtare kundër homofobisë, Ermali ka publikuar një status në Facebook drejtuar këtij komuniteti. “Dua të uroj të gjithë kolegët e mi gay dhe t’u them që unë dhe pastroi i kishës time jemi kundër martesave gay. Ktheni sytë nga Zoti dhe mundohuni të ndryshoni sa nuk është vonë. Mos i mbani sytë nga vetja,” është shprehur aktori i humorit, që siç duket nuk i paska bërë detyrat siç duhet, në të kundërt do ta dinte që homoseksualiteti nuk është “sëmundje që mund të shërohet”.
Lindita Idrizi
Miss Universe Albania që së fundmi është kurorëzuar si Miss Fotozhenia në eventin e Miss Universe, e pyetur nëse është ‘homofobe’ në një intervistë për Prive u përgjigj pozitivisht. Dhe sigurisht që nuk kishte fantazuar kurrë seksualisht për gjininë e njëjtë.
Eneida Tarifa
Këngëtarja nuk e priti fort mirë fitoren e Conchita Ërust, këngëtares transgjinore në Eurosong. “Ky na qenka Eurosongu. Ku po shkojmë, ku është fshehur muzika? Ku është strukur muzika?” shkruante Tarifa, që përpos talentit të këngëtares austriake, ishte e shqetësuar për mënyrën se si do t’ia prezantonte vajzës së saj ‘këtë tip këngëtari’? Deklarata e saj u pasua nga një replikë e ashpër e Kristi Pinderit.
Stresi
Këngëtari ka dalë hapur kundër komuniteti LGBT nëpërmjet një fotoje të dy burrave duke u puthur të publikuar në rrjete sociale. Reperi e ka quajtur ‘në mënyrën e tij’ si një gjest të papërshtatshëm për burrat.
Adelina Tahiri
Këngëtarja në një intervistë për ‘Prive’ pranoi se është ‘shumë antihomoseksuale. Ajo pranoi se nuk do të kishte dot kurrë shoqe lesbike ‘sepse ato do të përfundonin duke e gjuajtur gjithsesi’.
