I kemi parë të këndojnë, i kemi parë në skenë por të luash në një film, ku do duhet të qash e qeshësh pa arsye, apo edhe të dalësh nudo, nuk është e lehtë.
Megjithatë ka mjaft emra të njohur të skenës shqiptare që e kanë provuar aktrimin, edhe pse nuk kanë studiuar për aktrim. Mes këtyre emrave përmendim, rolin e Çiljeta Xhilagës në filmin, “Ishte kohë për dashuri” apo Kastro Zizon në filmin “Pharmakon”. Më poshtë mund të shihni të famshmit shqiptarë (jo aktorë) që kanë luajtur në filma:
Çiljeta Xhilaga
Fotot e saj ku shfaqej shtatzënë dhe e plagosur, bënë xhiro nëpër media, rreth dy vite më parë. Për ata që nuk mbajnë mend, pamjet e frikshme ishin pjesë e një skene filmi, në të cilin Çiljeta ishte angazhuar. Filmi realizohej në Itali, në kastin e të cilit ishte edhe Bjord Mezini, ish-banori i “Big Brother”.
Por ky nuk ishte filmi i parë i Çiljetës, pasi ajo e provuar aktrimin edhe përmes një roli të vogël në filmin “Ishte kohë për dashuri”, ku kishte rolin e një baristeje.
Kastro Zizo
Një nga filmat shqiptarë që janë përfolur më shumë ka qenë ‘Pharmakon’, interpretuar nga Olta Gixhari dhe Kastro Zizo. Në këtë film, i cili është një realizim mjaft i arrirë, ka edhe skena erotike mes Gixharit e Zizos, për të cilat këngëtari thotë se kanë qenë pjesa më e vështirë e xhirimeve. Ai aty dashurohet me një vajzë të bukur, e cila bën lojë të dyfishtë mes tij e të atit. Një rol që e luan mjeshtërisht aktorja simpatike, Olta Gixhari.
Diellza Kolgeci
Më e bukura e Kosovës në vitin 1996, Diellza Kolgeci e provoi vetën edhe si aktore, madje në skena shumë të nxehta. Ajo ishte pjesë e filmit “Dashuria e Bjeshkëve të Nemuna 2”, ku luan rolin e “Diellzës” një vajzë shqiptaro-amerikane, e cila në pjesën e dytë të filmit erdhi shumë e guximshme duke dalë komplet e zhveshur në skena të nxehta.
Aurela Hoxha
Dashuria e Bjeshkëve të Nemuna 3 pati një protagoniste të re nga Shqipëria. Aurela Hoxha u zgjodh për serinë e tretë e filmit të regjisorit Ekrem Kryeziu, ku pati edhe skena erotike dhe nuditeti. Kjo nuk ishte hera e parë e Aurela Hoxhës si aktore, pasi më parë ka qenë pjesë e filmave me metrazh të shkurtër dhe të gjatë. Ajo shpjegoi se ftesën për këtë film ia kanë bërë me një telefonatë, dhe ajo nuk mundi të refuzonte.
Burimi: Iconstyle.al
