Ceremonia mortore për familjen dhe miqtë e dy ikonave legjendare të “Hollywood”-it nënë e bijë, Debbie Reynolds dhe Carrie Fisher, të cilat ndërruan jetë vetëm një ditë pas njëra-tjetrës, u mbajt në Los Angeles.
Meryl Streep, Ellen Barkin, Gëyneth Paltroë dhe Lea Michele ishin mes shumë të famshmëve që u dalluan të hynin në rezidencën e familjes, për të nderuar aktoret të enjten.
Streep u fotografua pasdite duke mbajtur trëndafila, ndërsa mësohet se këndoi “Happy Days Are Here Again” si pjesë e nderimeve. Stephen Fry, i cili ftoi Carrie Fisher në emisionin e tij QI disa herë, gjithashtu lexoi fjalët e lamtumirës.
Billy Lourd, i cili kishte planifikuar funeralin me xhaxhain Todd Fisher, foli gjithashtu për humbjen e nënës dhe gjyshes së tij.
Fisher dhe Reynolds ndërruan jetë javën e kaluar. Fisher pësoi një atak kardiak më 23 dhjetor gjatë fluturimit në avion nga Londra, ndërsa ndërroi jetë më 27 dhjetor në moshën 60-vjeçare. Reynolds ndërroi jetë më 28 dhjetor në moshën 84-vjeçare, vetëm një ditë pas të bijës.
Burimi: Daily Mail
