Lidhjet romantike, apo flirtet mes të famshëmve janë ato që nuk i shpëtojnë syrit të mediave. Kjo ndodh për faktin se të qenit i famshëm përbën më tepër lajm dhe të bën të jesh më i ekspozuar duke tërhequr vëmendjen e fansave.
Trekëndëshat e dashurive janë ato që janë përfolur më së shumti edhe në mediat shqiptare. Lidhjet e përfunduara, ndërhyrja si një “e/i tretë” në mesin e një çifti kanë ndodhur edhe në showbiz-in shqiptar. Ka mjaft raste kur femrat e njohura të ekranit kanë “shkëmbyer” partnerin e tyre. Më poshtë mund të shihni disa nga të famshmet ose të famshmit shqiptarë që kanë marrë partnerin e njëri-tjetrin.
Liberta-Getoari-Marina
Reperi “më i madh n’ven” Getoari ka qenë i lidhur me bukuroshen nga Kosova, Liberta Spahiu. Lidhja e tyre mbeti në mjegull deri sa moderatorja i dha fund. Por pas ndarjes Getoari u lidh me një tjetër moderatore, bionden simpatike Marina Vjollca, me të cilën bashkëjeton dhe kanë bërë plane edhe për martesë.
Dafina-Krenari-Luana
Moderatorja shqiptare Luana Vjollca është kapur mat shumë herë në udhëtime romantike jashtë vendit me Krenar Çoçajn, ish-i dashuri i Dafina Zeqirit, për të cilën ai është ende në gjyq. Krenari akuzohet se ka dhunuar të dashurin e Dafinës, Ledri Vulën.
Patris Berisha-Tuna-Cozman
Këngëtarja nga Shkupi, Tuna Sejdi do të bëhet një nënë së shpejti, pasi është shtatzëne dhe pret fëmijën e Patris Berishës, vëllait të bashkëshortit të Nora Istrefit. Lajmi për shtatzëninë erdhi befas pas ndarjes së bujshme nga reperi i Babastars, Cozman, i cili dy ditë më parë u shpreh se “Tuna i përket së shkuarës”.
Egzona-Agoni-Afërdita Dreshaj
Një videklip mjaft provokues i reperit Agon Amiga dhe këngëtares Afërdita Dreshaj, i titulluar “Topless”, u bë shkaku i divorcit të Agonit me bashkëshorten e tij Agzona. Afërdtia dhe Agoni u përfolën për një aferë mes tyre që përfundoi më shpejt sesa nisi.
Soni Malaj-Flori-Elvana
Lidhja e dy këngëtarëve më të dashur për publikun shqiptar, Soni Malaj dhe Flori Mumajesi, u konfirmua me një puthje live në Këngën Magjike. Por ndarja e tyre nuk vonoi shumë dhe pak kohë pas saj, Flori u përfol për një lidhje me këngëtaren bukuroshe Elvana Gjata, e cila ndodhet aktualisht në SHBA, ku po punon për të hyrë në tregun ndërkombëtar të muzikës. Mediat kanë folur për një zënkë mes çiftit që pasoi me largimin e Elvanës, pas realizimit të klipit “Lejla”, një produksion i “Threedots”.
Dafina Zeqiri-Ledri Vula-Anxhela Martini
Dafina dhe Ledri ishin dy këngëtarët shqiptarë që vërtetuan se miqësia pas ndarjes mund të funksionojë. Madje, Dafina thuhet se nuk ka ndjerë aspak xhelozi teksa e ka parë ish-të dashurin e saj Ledri Vulën të rikthyer në muzikë me një videoklip seksi me Anxhela Martinin. Modelja shkodrane u përfol për një lidhje dashurie me Ledrin që besohet se përfundoi për shkak të largësisë.
Rita Ora-Calvin Harris-Dua Lipa
Lidhja mes këngëtares shqiptare Rita Ora dhe DJ Calvin Harris përfundoi me shumë zhurmë. Çifti nuk u ndanë miqësisht dhe deri para një jave, Rita nuk mund të këndonte hitin e përbashkët, “I will never let you down”. Por së fundmi, Calvin po përflitet për një lidhje me shqiptaren Dua Lipa. “The Sun” shkruan se DJ i njohur skocez është në një lidhje me Dua Lipan dhe kjo ndodhi pak kohë pasi Rita dhe Calvin filluan të flisnin mes tyre.
Burimi: ICONstyle
