Është e zakonshme që karshi personazheve publike të etiketuara si sex symbol, të ketë skepticizëm kur vjen fjala për zgjuarsinë.
Këtë paragjykim e vuri në pah edhe rasti i Kim Kardashian.
Pasi ylli i rrjeteve sociale deklaroi se do t’i dedikohej karrierës si avokate, shumë njerëz u treguan mosbesues, megjithëse Kim Kardashian ka rrëfyer se ky pasion ka nisur që kur ishte e vogël (lexo këtu).
Pak e dinë, por edhe disa nga vajzat më seksi të skenës dhe televizioneve tona, kanë përfunduar studimet, madje disa edhe shkëlqyeshëm, në disa nga degët më impenjative.
Nevina Shtylla
Nevina Shtylla ka mbaruar studimet për Teknologji Informacioni, ose siç e njohim për shkurt: IT. Nuk e ka praktikuar për shkak të pasionit të madh për televizionin, megjithatë është shprehur se në një të ardhme, njohuritë mund ta ndihmojnë në pjesën e post- produksionit.
Enca Haxhia
Në qendër të vëmendjes për fotot provokuese dhe tematikat e guximshme në këngët e saj, Enca Haxhia nuk e la në mes shkollën e lartë në degën Marrëdhënie me Publikun. Ajo u diplomua në shtator të 2016-ës dhe këtë arritje, e ndau sigurisht në rrjetet sociale.
“Gjithmonë kam menduar se para se ta quash veten artist, duhet të jesh NJERI dhe kjo nëpërmjet edukimit gjithashtu.”, shkruajti këngëtarja.
Zaimina Vasjari
Zaimina është diplomuar në degën e arkitekturës. Në 2014-ën, ajo ndau në rrjetet sociale foto nga diplomimi, që e festoi pranë miqve dhe familjes.
Jo vetëm është diplomuar, por ajo edhe e ka vënë në praktikë profesionin duke punuar me interieret e shtëpive, siç ka treguar në rrjetet sociale.
Tuna
Pak e dinë, por Tuna ka mbaruar studimet për gazetari në Universitetin e Selanikut. Profesion të cilin sigurisht, këngëtarja nuk e vuri në praktikë për shkak se iu dedikua krejtësisht muzikës.
Çiljeta
Çiljeta Xhilaga është diplomuar në degën e Shkencave Politike, madje ca vite më parë e mendonte seriozisht politikën si karrierë.
Ajo ka treguar se asnjëherë nuk ka patur nota të ulëta, duke e përcaktuar veten më lart se një nxënëse mesatare.
Fjoralba Ponari
Në prezantimin e saj tek “The Voice” tre vite më parë, Fjoralba Ponari rrëfeu pasionin e saj për stomatologjinë.
Në hapat e të atit, ajo ka studiuar për këtë degë dhe nuk është shkëputur nga ky profesion edhe sot, kur drejton një prej programeve më të rëndësishme të “Top Channel”: “E Diell”.
Eni Koçi
Eni Koçi e ka marrë shumë seriozisht karrierën që do të ndjekë, duke vijuar studimet për mjekësi në Britaninë e Madhe.
Ronela Hajati
Ronela Hajati i ka mbaruar studimet në degën Juridik. Ndonëse deri më tani nuk e ka ushtruar për shkak se i është dedikuar muzikës, ajo ka zbuluar se kur t’i vijë koha të shkëputet nga muzika, do t’i përkushtohet noterisë.
