Të famshmet që do të shihni në këtë artikull, nuk u ka interesuar që të dashurit e tyre të tanishëm, por edhe ish-të dashurit e tyre, kanë qenë të martuar apo në lidhje kur kanë filluar romancat e tyre. Ato janë dashuruar me burra të martuar dhe kjo nuk ka qenë një pengesë për të ndjekur lumturinë e tyre:
Bukuroshja braziliane, Gisele Bundchen, është e martuar me sportistin Tom Brady me të cilin ka dy fëmijë. Gisele dhe Tom kanë filluar lidhjen kur Tom ishte i martuar me aktoren Bridgitte Mohannan, të cilën e braktisi për shkak të supermodeles, edhe pse ishte shtatzënë me fëmijën e Tom.
Aktorja Denise Richards është futur në listën e shkatërrueseve të martesave, kur ia “vodhi” burrin shoqes së saj të ngushtë, Heather Locklear. Kjo shkaktoi luftë të vërtetë mes tyre, ndërsa kur Heather edhe zyrtarisht ishte ndarë nga Richie Sombora, Denise publikisht kishte filluar të argëtohej me muzikantin.
Khloe Kardashian dy herë ka “vjedhur” të dashurin e dikujt tjetër dhe në të dyja rastet ajo ia kishte vjedhur të dashurin shoqes së njëjtë. Ajo ia kishte rrënuar shoqes së saj martesën me reperin Frank Montana dhe pastaj edhe lidhjen me basketbollistin James Harden.
Julia Roberts e kishte pranuar se ishte dashuri në shikim të parë kur kishte parë regjisorin Daniel Moder dhe nuk e kishte penguar që ai në atë kohë ishte i martuar.
Edhe Britney Spears është një “grabitëse” burrash. Edhe pse e kishte ditur se bashkëshortja e Kevin Federline ishte shtatzënë dhe do të lindte së shpejti, ajo kishte filluar lidhjen me kërcimtarin dhe shumë shpejt u martuan.
Para se të bëhej nënë e gjashtë fëmijëve dhe ambasadore e UNICEF-it, Angelina Jolie njihej si një vajzë e pangopur me meshkujt. Por të gjithë i shtangu kur filloi lidhjen me Brad Pitt, për faktin se ai ishte në martesë me aktoren Jennifer Aniston.
