Tre gjërat që kërkojnë angazhimin me të vërtetë të madh në jetë janë: Të blesh shtëpi, të thuash “dua” dhe të kthehesh në vegan/e.
E kemi seriozisht, që të heqësh dorë nga të gjitha produktet shtazore është me të vërtetë një ndryshim i madh, që do të ndikojë në jetën tënde.
Por pavarësisht sfidës, shumë persona kanë përkrahur dietën vegane, përfshirë këto 11 të famshme:
1.Serena Williams
Ikona e tenisit tregoi se pas lindjes së vajzës Alexis Olympia po ndjek një dietë strikte: “Isha vegane, nuk haja sheqer”. Por ajo tregoi se dieta nuk tregoi rezultat derisa ndaloi gjidhënien.
“Humba 4.5 kg brenda një jave pasi ndalova gjidhënien. Thjesht vazhdoja të bija në peshë”, tha Serena Williams.
2.Meghan Markle
Meghan Markle ka vetë-deklaruar se është “vegane me kohë të pjesshme”, sipas një interviste në vitin 2016 për “Best Health”:
“Unë përpiqem të jem vegane gjatë javës dhe të kem pak më shumë fleksibilitet në fundjavë”.
3.Miley Cyrus
Miley e ka dokumentuar dashurinë e saj për kafshët dhe është kaq e angazhuar për t’u bërë vegane, madje ka bërë edhe një tatuazh në trupin e saj. “Vegane për gjithë jetën!”, shkruhet në tatuazhin që bëri në vitin 2017.
4.Jenna Dewan Tatum
Jenna tha në vitin 2016 se ajo nuk ka ngrënë mish që kur ishte 11 vjeçe, kur shikonte në TV përreth thertoreve. “Sigurisht që inkurajoj veganizmin, jo vetëm për shëndetin tonë, por për mjedisin dhe për arsye etike dhe morale”, tha ajo.
5.Beyoncé
Këngëtarja bën “sfidë vegane” sa herë që ka përpara shfaqje apo koncerte të mëdha. Kohët e fundit, ajo inkurajoi ndjekësit në Instagram të bashkohen me të në dietën e saj vegane, ndërsa ajo përgatitej për Coachella.
6.Jessica Chastain
Aktorja fituese e Oskarit tha për revistën “W Magazine” në 2017-n se, filloi të bëhej vegane pasi vuri re se ishte e pafuqishme. Pasi hëngri vetëm ushqime vegane për dy javë, tha:
“Kisha më shumë energji sesa kam pasur ndonjëherë në jetën time. Të jesh vegane nuk ishte gjëja që dëshiroja. Me të vërtetë dëgjova atë që po më thoshte trupi im”.
7.Venus Williams
Kampionia e tenisit tha për revistën “Health” në vitin 2017 se, vendosi të ndiqte një dietë vegane pasi u diagnostikua me një çrregullim auto-imun.
“Sapo fillova, u dashurova me konceptin e furnizimit të trupit në mënyrën më të mirë të mundshme. Jo vetëm që më ndihmon në fushë, por ndihem sikur po bëj gjënë e duhur për mua. Kjo patjetër ndryshoi gjithë jetën time”, tha Venus.
8.Ariana Grande
Ariana tha për “The Mirror” në 2014-n se dashuria e saj për kafshët e frymëzoi të kthehej vegane. “I dua kafshët më shumë sesa njerëzit. Është tunduese, por thjesht i përmbahem asaj që dua, perime, fruta dhe sallatë”, tha Ariana.
9.Alicia Silverstone
Alicia zbuloi se u bë vegane tre vjet pas xhirimit të filmit “Clueless”. “Kisha gjithë ato shenja të bardha në thonjtë e mi dhe ata ishin shumë të hollë dhe tani janë kaq të fortë sa nuk mund t’i përthyej dot”, u shpreh aktorja.
10.Pamela Anderson
Në një postim në blogun e saj në vitin 2017, me titull “Luftoni ushqimet false, jo lajmet false”, Pamela tha se ishte tashmë vegane: “Veganizmi është më shumë se sa t’i thuash “jo” ushqimeve shtazore. Është të shpëtosh kafshët, veten, shoqërinë dhe planetin tonë”.
11.Ellen Degeneres
Ellen Degeneres ka qenë vegane që prej vitit 2008: “Jam e dashuruar pas kafshëve”.
Nëse iu ndërrua mendja për të nisur edhe ju rrugën drejt veganizimit, përmes një diete për t’u ndjerë më të fuqishme apo për t’u dobësuar, ose për të ndjekur mënyrën e Meghan Markle, kemi një zgjidhje.
“SnapFood” sjell restorantin “Greeny” (kliko këtu) kushtuar të gjithë veganëve në Tiranë, të cilët duan që të ndjekin një dietë të shëndetshme pa produktet apo nënproduktet shtazore
Pavarësisht se je në punë, në shkollë apo në shtëpi, mund të porosisësh vaktin tënd të ditës mes dhjetëra zgjedhjeve: cous cous vegan, smoothie apo sallata të ndryshme.
Burimi: Womenshealthmag
