Këngëtarja Era Istrefi njihet për prurjet e reja në muzikë, por tashmë ajo ka sjellë një tjetër trend sa i përket modës.
Bëhet fjalë për një palë çizme të reja të markës “Vetements”, aq të çuditshme saqë s’do t’i besonit nëse nuk do t’i shihnit në këto foto. Taka e çizmeve prej cope është një çakmak. Po, po, nuk tallemi.
Një çakmak i vërtetë blu që do të mbajë gjithë peshën tuaj. Përmes një kërkimi të thjeshtë Iconstyle.al zbuloi se këto çizme kushtojnë 878 paund dhe i gjen në ngjyra të ndryshme, të kuqe, jeshile, të bardha e blu.
Gjithsesi, Era ka preferuar modelin në ngjyrë të zezë që e ka kombinuar me një bluzë të tejdukshme në pjesën e belit dhe xhinse.
Këto çizme ia kemi parë veshur edhe këngëtares shqiptare, Rita Ora, e cila ka preferuar versionin në ngjyrë vishnjë.
