Luana Vjollca dhe Ermal Mamaqi na bënë të gjithëve kurioz pak ditë më parë teksa moderatori simpatik publikoi në Instagram një video ku ata shfaqeshin të dy në një tavolinë.
Mirëpo një video e dytë e postuar mbrëmjen e djeshme nga Ermali në profilin e tij në Instagram sqaroi më në fund arsyen e takimit mes tij dhe Luanës. Moderatori i emisionit “Xing me Ermalin”, na ka treguar me këtë video se Luana do të jetë e ftuar në emisionin e tij.
“Më në fund…Luana Vjollca në ‘Xing me Ermalin’. Ju që doni ta shikoni live ejani të mërkurën ën 6 qershor në ‘Tv Klan’. Emisioni më i nxehtë”, shkruan Ermali krahas postimit të tij.
Ndërsa Luana i ka paralajmëruar fansat se ky do të jetë një emision i nxehtë dhe të gjithë duhet të përgatiten.
“Merrni ujë të ftohtë me vete se do jetë një emision shumë i nxehtë”, shprehet Luana duke i bënë të gjithë kuriozë se ç’do të ndodhë.
