Elvana Gjata ka sot ditëlindjen dhe vetëm sa ka nisur vërshimi i urimeve për të.
Këngëtarja e njohur shqiptare, e cila feston 32-vjetorin, vendosi të rikthehej në mediat sociale vetëm dy ditë më parë duke treguar periudhën e vështirë të kaluar prej tetorit të 2018-s.
Një nga surprizat e saj për këtë ditëlindje vjen nga Ermal Mamaqi, i cili ka publikuar në një video momentet më komike të shkëputura nga emisioni “Xing me Ermalin”, ku ishte e ftuar vitin e kaluar.
“Elvana Gjata gëzuar ditëlindjen. Të duam të gjithë”, shkruan Mamaqi në përshkrimin e videos së publikuar në Instagram.
Këtë muaj pritet të publikohet edhe filmi “Dy gisht mjaltë”, ku protagonistë janë Elvana dhe Ermali.
