Pas një mungese të konsiderueshme, moderatorja e dashur për publikun, Kiara Tito, është rikthyer në ekran me emisionin e saj të ri “Style Star”.
Ky emision në fakt është një spektakël ku konkurrentët garojnë me njëri-tjetrin. Si një format i ri, Kiara ka kërkuar mendimet e ndjekësve të saj në Instagram, lidhur me programin që po drejton.
Mirëpo, një ndjekëse ka pasur kritika për moderatoren. Ajo i shkruan:
“Ndjesë por po të del situata jashtë kontrollit dhe dukesh si arrogante. Nuk e zoton siç duhet.”
A u mërzit Kiara nga ky koment? Aspak! Ajo e mori me aq sportivitet dhe i ktheu ndjekëses përgjigjen që s’e priste askush.
“Ndjesë për çfarë? Secili është i lirë të shprehë mendimin e vet. Ju falenderoj, por duhet të kuptoni që ka një kohë televizive dhe secili duhet të respektojë kohën e vet, edhe debati e ka një kufi. Ndaj më duhet t’i ndërpres shpeshherë, edhe pse jo me dëshirë.”- ka sqaruar Kiara me qetësi.
Përveç “Style Star”, moderatorja na ka premtuar se do të sjellë gjithashtu një tjetër projekt për të cilin po punon, por s’na ka zbuluar asnjë detaj, përveç faktit që është një reality-show.
“Së shpejti do vij me dy programe të reja. Po punohet çdo ditë për realizimin e tyre.
Një spektakël mode dhe një reality-show.”-shkruante moderatorja më herët.
