Pas kimisë dhe dramave që pamë midis tyre në “Big Brother Vip” Olta Gixhari dhe Luiz Ejlli u panë të denjë për të qenë protagonist në një film së bashku.
Detajet rreth këtij projekti të dyshes po priten me kërshëri nga të gjithë dhe së fundmi janë zbuluar disa prej tyre.
Bëhet me dije se Olta dhe Luizi do të jenë çift. Filmi do të ketë intrigë, histori dhe tradhëti. Blendi Salaj në “Wake Up” zbuloi se dyshja luajnë rolin e të dashuruarve, ndërkohë që vjehrra i bën magji Oltës.
“Çifti më i madh ose më i rëndësishëm i momentit, mund të mos jetë Luiz-Kiara, por mund të jetë Luiz-Olta”– u shpreh ai.
“Flitet për një film të mundshëm ku Luizi dhe Olta do të jenë protagonistë të filmit ku ata luajnë një çift ku vjehrra i bën magji nuses që është Olta. Vjehrrën mund ta luajë Kiara (them unë)”- shtoi moderatori.
