Tayna ka mbërritur në Kosovë nga Zvicra dhe tashmë le të presim nga minuta në minutë të plasë bombën me projektet e fundit mbi të cilat ka punuar.
Paralajmërimin e ka dhënë vetë menaxheri i reperes, Rinor Hykolli, i cili ka publikuar foton e realizuar nga Tayna në kufi, ndërsa zbulon edhe nofkën e saj.
“Erdhi Leo Messi në Kosovë, tash runu boll ju dha mundësi mos po fitoni, 5-6 muaj ska lujt hiç. Tash nja pesë copë në kajmak çdo ndeshje”, shkruan ai duke lënë të kuptohet se diçka e madhe po vjen!
Tayna udhëtoi drejt Zvicrës në kohën kur Kosova kishte kufijtë e mbyllur, për të finalizuar disa projekte mes të cilëve edhe një klip i ri.
Pa mbërritjes së saj në Kosovë, fansat janë në pritje të këngëve të reja, të cilat me sa duken do të jenë hite vere.
https://www.instagram.com/p/CBWH-HgAYXU/
Në fillim të qershorit Tayna bëri një falenderim për fansat të cilët e kanë ndjekur këto 2 vite karriere, ndërsa u premtoi shumë hite.
Me këtë rast, ajo u ka premtuar publikisht fansave të saj se do të vazhdojë t’i argëtojë.
“U bënë 2 vite karrierë! Prej atëherë jam rrit çdo këngë e më shumë e po më duket që jam që 20 vite këtu! E për këtë ju jam falenderuese juve krejtve që vazhdoni m’i dëgju këngët e mia, e unë kam me vazhdu me ju argëtu!”, shkruante ajo.
Epo, jemi gjithë sy e veshë!
