Tayna është një prej repereve shqiptare më të komentuara të momentit. Falë këngëve të saj “Columbiana” dhe “Shqipe”, të cilat janë kthyer në hite, ajo ka arritur të vihet në qendër të vëmendjes.
Nuk duhet harruar që Tayna po komentohet nga të gjithë edhe për diss-et që iu bën kolegëve me këngët e saj, apo për faktin që e konsideron veten si nëna e repit shqiptar.
Ndërkohë që në muzikë është tepër aktive, fansat dinë shumë pak për jetën e saj private. Mirëpo së fundmi Tayna ka publikuar për herë të parë në Instastory një foto ku shfaqet së bashku me prindërit e saj.
“Unë jam vajza dhe djali i tyre gjithashtu”, shkruan Tayna sipër postimit që ka publikuar në Instastory.
Një selfie familjare nëpërmjet të cilës Tayna na ka prezantuar kështu me prindërit e saj simpatik të cilët duken tepër modernë.
