Taylor Swift është kthyer në një nga këngëtaret më të famshme në botë, duke mbushur të gjithë stadiumet ku ajo performon.
Megjithatë, këngëtarja amerikane nuk është mjaftuar vetëm me suksesin e saj të madh në botën e muzikës pasi duket se dëshiron të pushtojë edhe ekranet televizive.
Aktualisht në mes të turneut të saj Eras, raportet thonë se Swift po kërkon të drejtojë një serial ‘meta-feminist’ bazuar në jetën dhe përvojat e saj. Alice Birch, skenariste e “Succession”, do të bashkëpunojë me Swift në serial.
Fansat e Swift-it e dinë shumë mirë se shumë nga këngët e saj janë të frymëzuara nga përvojat e saj të së kaluarës, zemrthyerjet me të dashurit e vjetër dhe zhgënjimet që ajo ka përjetuar gjatë gjithë jetës së saj.
Kjo do të bënte një tërheqje të madhe televizive, qoftë në ekranin e madh apo në një serial televiziv. Ka kaq shumë tema për t’u ndjekur sa që parashikohet se shfaqja do të jetë një sukses i jashtëzakonshëm.
Me sa duket, Swift tashmë ka nisur biseda me Birch dhe të dyja janë në të njëjtën faqe kur bëhet fjalë për një nga projektet më interesante që kemi parë në vite. Ndërsa skenaristja do të ishte përgjegjëse për shkrimin e skenarit, Swift do të merrej me regjinë, siç ka bërë për videoklipe të shumta.
Dhjetorin e kaluar, u zbulua se Swift gjithashtu do të nisë një projekt tjetër larg botës së muzikës. Së bashku me Searchlight Pictures, këngëtarja do të debutojë në film si regjisore.
“Taylor është një artiste dhe tregimtare unike në brezin e saj”, thanë David Greenbaum dhe Matthew Greenfield, presidentë të kompanisë së prodhimit.
