Taylor Swift ka gjetur një të dashuri të ri britanik. Këngëtarja ka qenë duke u takuar fshehurazi me aktorin, Joe Alwyn, sipas raporteve nga “People” and “The Sun”.
27-vjeçarja Swift dhe 26-vjeçari Alwyn thuhet se janë në një lidhje prej muajsh. Me sa duket, ajo ka bërë edhe disa vizita sekrete në Londër për ta takuar. Një burim anonim tha për revistën se, romanca e çiftit është shumë serioze.
Një “mik i ngushtë” me dyshen tha për median: “Nuk është një marrëdhënie sekrete, prej të vetmëve që është e fshehtë janë mediat, sepse ne të tjerët, miqtë dhe familjarët e çiftit, e dimë që dyshja ndodhet në një lidhje prej disa muajsh dhe kanë kohë që e njohin njëri-tjetrin”.
Megjithatë, pas stuhisë së medias që Swift përjetoi vitin e kaluar, grindjen me Kim dhe Kanye, ndarjen me Calvin Harris dhe Tom Hiddleston, kuptohet pse çifti i ri dëshiron që të qëndrojë larg vëmendjes së publikut.
“Pas turneut të vitit 1989 dhe gjithë vëmendjes që mori Taylor, mësohet se ajo është më e tërhequr për jetën e saj private dhe ajo me Joe vendosën që në fillim ta mbanin lidhjen private”, shtoi miku i çiftit.
Alwyn është ende një yll i filmit në rritje. Ai është shfaqur më parë në filmat “Long Halftime Walk” (2015) dhe “The Sense of a Ending” (2017). Tani që është lidhur me Tylor, me siguri do ta shohim më shpesh imazhin e tij.
Burimi: Harper’s Bazaar
