Në stadiumin e Elbasanit, Shqipëria po luan në Ligën e Kombeve kundër Izrealit mbrëmjen e sotme. Futbollisti Taulant Xhaka ka një person të veçantë që po e ndjek nga tribuna dhe është i ati i tij, Ragip Xhaka.
Ky i fundit për mikrofonin e “Super Sport” u shpreh se është shumë i emocionuar për ndeshjen dhe i uron sa më shumë sukses skuadrës shqiptare.
“Shqipëria është shumë e fortë dhe ka lojtarë të mirë në Kombëtaren tonë. Këta djem do të kenë sukses me trajnerin Panuçi.” – tregoi Ragip Xhaka.
Mirëpo i pyetur se cilin nga djemtë ka pikë të dobët, Taulantin apo Granitin, ai nuk nguron të japë një përgjigje.
“ I kam të dy bijtë e mi. Pikë të dobët kam të voglin, Granitin, por edhe Taulantin… Nuk i ndaj dot.” –përfundoi i ati i futbollistëve.
Granit Xhaka është 26 vjeç dhe luan si mesfushor për klubin anglez Arsenal në Premier League dhe për Kombëtaren Zviceriane.
Ndërsa Taulant Xhaka, 27 vjeç, është futbollist i Kombëtares Shqiptare si dhe luan me klubin zvicerin Basel në Superligën Zviceriane.
