Këngëtarja e hitit “Ëngjëjt vrasin njëlloj”, Besa Kokëdhima, është tepër aktive në profilin e saj në Instagram, ku numëron mijëra ndjekës.
Së fundmi, këngëtarja ka ndarë me të gjithë tatuazhin e saj të parë, i cili ka një domethënie të veçantë.
Në pjesën e parakrahut, Besa ka vendosur të shkruajë tre fjalë në frëngjisht: “Vajza e valëve”.
Ky është një titull i njohur i polifonisë labe, më saktësisht i grupit të Himarës nga është vetë Besa.
Mesa duket, Besa ka një lidhje të veçantë me këtë këngë polifonike, aq sa ka vendosur ta bëjë edhe tatuazh të përhershëm në trupin e saj.
“’La fille des ondes’ është tatuazhi im i parë. Do të thotë ‘Vajza e Valave’, nga kënga polifonike e tokës sime. Gjithmonë kam ndjerë një lidhje mistike me të. Më kthen në rrënjët e mia dhe në përjetime të pashpjegueshme. Kudo shkoj të mos harroj rrënjët dhe ‘Vajzën e Valave’”.- shkruan Besa në postim.
Megjithëse prej vitesh jeton në Francë, këngëtarja nuk e harron kurrë origjinën dhe gjithmonë i kujton rrënjët e saj.
