Moda lidhet me mënyrën se si e shprehim veten. Ajo çfarë vishni, transmeton shumë për atë që jeni dhe çfarë doni të jeni. Idea për të pasur dhe një tatuazh si pjesë të stilit, është diçka e natyrshme. Tatuazhi në fund të fundit është mënyrë për të ndarë pasionin dhe nëse moda është pasion, pse mos të bëjmë një tatuazh për atë!?
Tatuazhet për modë kanë forma dhe madhësi të ndryshme për mënyrën se si ato mund të paraqiten, duke marrë parasysh edhe pjesën e trupit ku ju do dëshironit ta bënit. Mund të jenë dhe me ngjyrë ose thjesht klasikë të zinj me ndonjë hije të bardhë. Këto dizajne variojnë nga më klasiket deri tek fjongot që janë tipike për vajza lozonjare apo edhe ato me stil më të errët.
