Dy vite më parë, Elita Rudi dhe reperi Gjiko udhëtuan drejt Veronës së Italisë me rastin e festës së të dashuruarve, ku realizuan një pozë shumë të ëmbël të cilën e kanë ribërë edhe njëherë pas dy vitesh.
Moderatorja dhe partneri kanë udhëtuar përsëri drejt Italisë, kësaj here së bashku me të voglin e tyre 1-vjeçar, Zërin.
Në të njëjtin vend ku kishin shkrepur pozën e dy viteve më parë, Gjiko dhe Elita realizuan një tjetër foto ku përfshinë edhe të birin, i cili s’i ka lënë rehat të pozojnë siç duhet.
“Faleminderit Zëri qe spo mlen me qu dashni me gru per shën valentin ?❤️ vitin tjeter me dado koft kismet ?❤️ Dashuri do të thotë familje dhe familje do të thotë dashuri. Ju dua ❤️”- shkruan reperi krahas pozës së çiftit.
Gjithashtu, Gjiko ka treguar se ka realizuar edhe një tatuazh super të veçantë gjatë këtij udhëtimi i cili i dedikohet familjes së tij.
Gjiko, Elita dhe Zëri të kapur përdore është figura që Gjiko ka zgjedhur ta përjetësojë në lëkurën e tij, për të kujtuar gjithmonë ditët më të ëmbla në Verona, me personat e tij të zemrës.
Këto po që janë pushime që mbahen mend! Rroftë dashuria!
