Është publikuar traileri i parë për serialin misterioz nga The Weeknd apo Abel Tesfaye. Përvec sukesit të padiskutueshëm në muzikë, tashmë The Weeknd do vijë dhe si producent dhe aktor krah Lily-Rose Depp, vajzës së Johhny Depp.
“The Idol” është emri i serialit i krijuar nga këngëtari në bashkëpunim me regjisorin e “Euphoria”, Sam Levinson. Mund të themi se “The Idol” duket po aq intensiv sa ‘Euphoria” pasi para se të fillojë traileri, në ekran lexohet: “Nga mendjet e sëmura të Abel dhe Sam Levinson”.
Ngjarjet në serial janë vendosur në sfondin e industrisë së muzikës. Komploti ndjek një udhëheqës kulti, i cili zhvillon një marrëdhënie të ndërlikuar me një idhull të ri të muzikës pop. Personazhi i Lily-Rose Depp bie në dashuri me një pronar enigmatik klubi të luajtur nga The Weeknd, dhe do e gjejë veten të rrethuar nga droga, dhuna dhe festa të pafundme.
View this post on Instagram
“The Idol” u mor për zhvillim në qershor 2021. Seriali krijoi shumë bujë rreth kastit të tij të mbushur me yje që më vonë u zbulua se përfshinte The Weeknd, Depp, Troye Sivan, Steve Zissis dhe Juliebeth Gonzalez. Por pati disa pengesa dhe ndryshime rrugës pasi The Weeknd nuk ishte i kënaqur me drejtimin e shfaqjes. Burimet thanë se ai ndjente se shfaqja po anonte shumë në një “perspektivë femërore” me personazhin e Depp dhe jo personazhin e tij.
