Gjashtë muaj më parë, dukesha e Sussex, Meghan Markle dhe Princ Harry u bënë prindër për herë të parë.
Meghan solli në jetë një vogëlush, të cilin e pagëzuan me emrin Archie Harrison.
Archie është një ndër bebushat më të njohur në mbarë botën dhe disa nga fotot e tij të ëmbla kanë bërë xhiron e rrjetit.
Gjatë takimit me familjet e ushtarëve, pasi vlerësuan punën e nënave që kujdesen për fëmijët në mungesë të partnerëve që kanë misione jashtë vendit, Meghan dhe Harry ndanë edhe detaje për të voglin e tyre.
Dyshja tregoi se tashmë Archie ka filluar të ecë këmbadoras nëpër shtëpi dhe madje i kanë dalë edhe dy dhëmbët e parë.
Mesa duket vogëlushi po rritet shpejt, ndërsa të gjithë po presim me padurim foto të reja nga Archie.
