Nëse keni provuar një lidhje në distancë, e kuptoni vështirësinë e saj. Nuk keni biseda të njëjta dhe as kontaktin fizik në marrëdhënie.
Por dikush po mendon edhe për ju që po përjetoni një dashuri në distancë!
Shkencëtarët e “Imagineering Lab” në City University London mendojnë se mund të zgjidhin këtë problem me pajisjen e tyre të re, të quajtur Kissenger. Pajisja imiton puthjen reale duke ushtruar presion mbi sensorin, por vetëm kaq, pasi nuk ka simulim të gjuhës.
Kissenger kombinohet me një aplikacion mesazhesh që i jep mundësinë përdoruesit të dërgoj një puthje duke iu përgjigjur saktësisht marrësit në Kissenger. Pjesa e buzës në pajisje është bërë prej silikoni. Por sa mund të quhet kjo si një puthje e rregullt, thotë The Verge. Por ndoshta pajisja e silikonit ku vendos buzët mund tu bëjë të ndiheni mirë kur e dini që ajo vjen nga dashuria juaj.
Skuadra ka krijuar një version për iOS që lidhet me pajisjen nëpërmjet vendit të kufjeve. Do të jetë problem nëse iPhone i ri nuk do të ketë një të tillë, por ku i dihet? Ndoshta në të ardhmen Kissenger ju jep mundësinë të puthni të dashurin, nënën apo edhe njeriun e famshëm që ju pëlqen, në largësi.
