Sa herë ju është dashur që të ngulmoni dhe t’i mbushni mendjen fëmijës tuaj, që të shkëputet nga ekrani i televizionit, për të dalë jashtë me ju? Ky duket shpesh si një mision i pamundur, veçanërisht kur ata janë duke parë filmat e tyre të preferuar vizatimorë.
Por tashmë marka më e njohur e rrobave për fëmijë “Blukids”, që ka ardhur në Tiranë përmes dyqanit në Rr. “Sami Frashëri”, në Qendrën Metropol, ju mundëson që të mos i ndani fëmijët tuaj nga personazhet e dashura, duke i lejuar që t’i marrin gjithmonë me vete.
Tom & Jerry, Mickey dhe Minnie Mouse, apo Tweety, do t’i shoqërojnë fëmijët tuaj gjatë gjithë ditës, në plazh, në park apo dhe në këndin e lojërave. Veshjet praktike dhe komode prej pambuku, vijnë në formën e kostumeve sportive, pantallona dhe bluzë apo fund dhe bluzë, të përshtatshme për moshat nga 6 -36 muajsh.
Në këto ditë të nxehta vere, gjithçka që mund të mendoni është cilësia e veshjes. Pambuku është ende materiali më popullor dhe veshjet e “Blukids” janë 100% pambuku. Materiali i lehtë lejon ajrin të depërtojë trupin dhe thith djersën, duke parandaluar acarimin dhe ftohjen e lëkurës.
Por përpos cilësisë, për të cilën prindërit ngulmojnë më tepër, dhurata më e bukur e këtij koleksioni është dizajni me personazhet e filmave vizatimorë, që do të plotësojë dëshirën e fëmijëve tuaj. Mos u mendoni dy herë! Këto rroba do të vishen me shumë dëshirë nga të vegjlit tuaj!
Burimi: Iconstyle.al
