Duhej që Luizi të largohej pak nga ajo, që Kiara të bënte ndonjë lëvizje drejt tij. Mbrëmjen e djeshme, këngëtari dhe Efi pasi fituan “The Voice of Big Brother” u izoluan në një dhomë vetëm ata të dy deri të martën, ku përpos kësaj duhet të kujdesen edhe për një fëmijë (kukull).
Më shumë ngjan si një dënim se një shpërblim për dy banorët, por gjithsesi mund të themi se të paktën në këtë situatë ishte Kiara ajo që bëri diçka pë Luizin.
Përpos që mbrëmë direkt pas prime-it ajo u afrua tek dera e tij për të biseduar duke ulur edhe vlerën e çmimit të madh, sot ajo është shprehur se e ka marrë malli. Teksa po bisedonte me Bjordin, moderatorja e ka pranuar se ia ndjen mungesën.
View this post on Instagram
Nga ana tjetër megjithëse asnjëherë nuk e kishte pranuar publikisht se ka qenë në një romancë me Butrint Imerin, sot Kiara Tito rrëfeu se fakti që ka pasur një lidhje publike ka qenë shumë presion për të.
Sot në një bisedë me Maestron, Kiara ka shprehur se lidhja publike që ka pasur me Butrintin, ka ngjallur shpesh debate mes tyre dhe i ka mbetur si “mini-traumë”.
“Ajo ka qenë dashuria ime e parë, hera e parë që kam ndjerë për dikë. Ka qenë një presion shumë i madh dhe isha vetëm 20 vjeç. Ka qenë në qendër të vëmendjes dhe shumë herë më ka prishur punë me atë kjo gjë. Prandaj kam disa mini-trauma nga e kaluara, se jam lënduar vetë”-tha Kiara.
