Portali gjerman “Spiegel” i ka kushtuar një artikull një taksisti në Tiranë, i cili e ka mbushur taksinë me banerat e Donald Trump duke parashikuar kohë më parë se, ai do të fitojë zgjedhjet me 60% të votave.
E teksa shumica mund të kenë qeshur me këtë veprim të taksistit, në fakt ai e ka gjetur rezultatin. Portali gjerman shkruan se taksisti e bëri këtë gjest pasi kryeministri Edi Rama kishte folur kundër kandidaturës së Donald Trump.
Juli, taksisti në Tiranë, nuk është i panjohur për publikun, sepse më herët taksia e tij kishte fotografitë e Kim Kardashian si dhe ka qenë një nga simpatizantët më të njohur të moderatores Marina Vjollca. Juli gjithashtu bëri tatuazh fytyrën e ish-kryeministrit Berisha në trup dhe fotoja e tij u bë virale në internet. Tashmë mund ta cilësojmë edhe si parashikuesin e zgjedhjeve në SHBA.
