Naftëtarët e Ballshit kanë mbyllur ditën e djeshme grevën 44 ditore të urisë, pasi dje arritën që të negocionin dhe të takonin kryeministrin Rama.
Përfaqësues të naftëtarëve u takuan ditën e djeshme me kryeministrin Rama të cilit i kërkuan një një zgjidhje për problemin e tyre, për pagat e prapambetura dhe rifillimin e punës.
Pas takimit, si Rama por dhe vetë naftëtarët u shprehën se nuk kishin arritur dakordësi për të gjitha kërkesat e tyre, më konkretisht qeveria nuk merrte përsipër të paguante pagat e prapambetura pasi sipas kryeministrit ato nuk janë çështje e qeverisë, por angazhohet për gjetjen e një investitori serioz me qëllim vënien në punë të Rafinerisë.
Sipas marrëveshjes, naftëtarët do të marrin nga qeveria pagë mbështetëse për të kryer shpenzimet e nevojshme, me kusht që ata të qëndrojnë në shtëpi dhe të mos kthehen më në grevë, ose të gjejnë një punë tjetër deri në vënien në punë të Rafinerisë.
Pas mbledhjes para ambienteve të Uzinës dhe diskutimeve mes tyre, kreu i Sindikatës së Naftëtarëve të Bashkuar, Sokol Dautaj, ka deklaruar se [ër shkak të pamundësiv e të ndryshme, kanë pranuar ofertën e kryeministrit, por në një moment të dytë naftëtarët do të negociojnë sërish./GazetaReforma.com/
