Këngëtarja Eneda Tarifa kujdeset gjithmonë për paraqitjen e saj në publik. Edhe në fotot që ajo poston në rrjetet sociale tregohet e vëmendshme që të tregojë anën e saj më të mirë.
Por me sa duket kjo gjë nuk është e lehtë për këngëtaren e cila na ka treguar për “luftën” që ajo ka përjetuar me veten nëse duhet ta postonte një fotografi apo jo.
E gjithë dilema ka qenë mbi një puçërr në ballin e saj, makthi i çdo femre, por Eneda thotë se në fund të fundit nëse dikush të do , të do ashtu si je, edhe jo perfekte.
“Mbas një lufte të madhe me veten “ta heq apo mos ta heq puçrrën në lule të ballit”, vendosa ta mbaj. Në fund të fundit kush të do, të do siç je. Janë imperfeksione të këndshme dhe njerëzore. #duajeveten #femër.”- shkruan Eneda në Instagram.
