Çfarë i bashkon Victoria Beckham, Kim Kardashian dhe Gigi Hadid? Shumë e thjeshtë: të gjitha kanë një pasion të madh për syzet e diellit! Dihet se për t’u shpëtuar paparacëve apo për të mos u njohur në publik VIP-at përdorin syze të errëta.
Por sigurisht që nuk bëhet fjalë për një palë syze çfarëdo: me volum të madh, lente pasqyrë dhe stili retro janë trendi i momentit.
Që nga modelet klasike, me formën e maces apo nostalgjiket që fokusohen tek detajet e ngjyrat retro si Kate Hudson apo Kiernan Shipka, apo modeli i viteve ’70 me lente të mëdha të rrumbullakëta dhe me ngjyra si Paris Jackson apo Elle Fanning.
Pra stina e gjuetisë së syzeve të diellit perfekte sapo ka nisur. Ja disa modele të momentit që mund t’i keni edhe ju :
Syzet e avitorit
Nëse fytyra juaj është e gjatë përdorni skelet të rrumbullakët syzesh për ta zbutur pamjen, si syzet The Eyes od Willem të Swatch. Duke vepruar kështu, ruani ekuilibrin, pasi fytyra do t’ju duket më e shkurtër. Zgjidhni dekorimet me vija horizontale.
“CatEye” (Në formën e maces)
Nëse fytyra juaj është në formë katrore, zgjidhni syzet me skelet oval. Modelet me kënde të syzeve si syzet The Eyes of Henny nga Swatch, mund t’jua largojnë vëmendjen nga format e theksuara të fytyrës dhe do t’ju bëjnë të dukeni më të butë. Skeleti duhet të jetë më i gjerë se pjesa më e gjerë e fytyrës suaj.
Syzet e mëdha
Nëse fytyra juaj është ovale atëherë jeni me fat, sepse asaj i shkon modeli i preferuar i syzeve të sezonit, syzet e mëdha. Nëse dëshironi t’i jepni vetes pamje rinore, bëni mirë të zgjidhni syzet në formë trapezi si syzet THE EYES OF ALOIS, një ndërthurje e klasikes bashkëkohore me stilin e sezonit veror.
Syzet me skelet dyngjyrësh
Nëse jeni tip sportiv dhe i pëlqeni ngjyrat atëherë ju këshillojmë të luani me ngjyrat e skeletit të syzeve. Syzet dyngjyrëshe Swatch, The Eyes Of Susie, janë perfekte për këtë sezon.
Syzet me skelet me dizajn
Dekorimet me vija horizontale janë perfekte për fytyrat e gjata. Duke zgjedhur këto syze, ruani ekuilibrin, pasi fytyra do t’ju duket më e shkurtër. Për këtë rast, syzet Swatch, The Eyes of Pat, janë perfekte për të bërë kontrast.
Burimi: ICONstyle
