Zayn Malik feston për herë të parë Ditën e Baballarëve. Këngëtari dhe modelja, Gigi Hadid, u bënë prindër për herë të parë në shtator të vitit të shkuar. Ata u bekuan me një vajzë që i kanë vendosur emrin Khai.
Sot në këtë ditë kaq sepciale për të gjithë baballarët, Gigi Hadid, ka publikuar në Instagram si rrallëherë një foto të partnerit me vogëlushene tyre. Fotografia duket se është shkrepur në një vend të errët dhe portreti i të voglës nuk mund të dallohet qartë. Megjithatë duket se Zayn e mban në krahë teksa i tregon një glob.
“Khai jonë është me shumë fat që ka një baba që e do shumë dhe bën çdo gjë për ta parë atë të qeshë!!! Zayn gëzuar Ditën e Baballarëve për herë të parë… jam shumë miërnjohëse për gjithë copëzat e vogla të saj që janë të tuat. Të duam shumë”, shkruan Gigi Hadid në urimin për Zayn.
View this post on Instagram
Në një intervistë të dhënë pak javë më parë, Gigi tregoi se ajo dhe Zayn kanë një vizion shumë të qartë se si do e rrisin vogëlushen e tyre.
“Ne mendojmë shumë dhe flasim shumë për këtë gjë si prindër dhe është diçka që është shumë e rëndësishme për ne, por është gjithashtu diçka që ne e kemi përjetuar për herë të parë vetë. Sepse të dy prindërit tanë kanë origjinën e tyre. Ne jemi brezi i parë i atyre me racë të përzier dhe ne kemi përjetuar eksperiencat e para. Kjo nuk është diçka që prindërit e mi e kanë përjetuar ose që mund të ndihmojnë mua për ta kaluar. Është diçka për të cilën unë kam menduar gjatë gjithë jetës sime” u shpreh modelja.
