Reperi italian ka ndarë ditën e sotme një foto të Jori Dellit, duke konfirmuar edhe me figurë lidhjen e tyre. Modelja me origjinë shqiptare, shihet teksa është në gjumë në makinë, e kjo foto është shoqëruar me disa zemra nga ana e Fred.
Mesa duket çifti ka nisur pushimet së bashku.
Kujtojmë se Federico Palana, i njohur me emrin e artit Fred de Palma, ishte ai që publikoi pak ditë më parë një foto me modelen shqiptare, e cila dukej me shpinë.
Reperi e ka shoqëruar postimin me shenjën e infinitit, ndërsa nuk kanë munguar edhe komentet me emrin e Jorit.
Kujtojmë që më herët Jori u përfol për një romancë me Noizyn. Jori ishte modele në një nga klipet e reperit dhe kaq mjaftoi që ata të aludoheshin për një romancë.
Mirëpo vetë Delli në disa intervista ka treguar se nuk kishte asgjë më shumë se miqësi dhe punë.
