Ndodh shpesh që Fero të largohet nga rrjetet sociale. Kështu bëri edhe në shtator, kur pa pritur e pa lajmëruar, u “zhduk” duke merakosur fansat e tij.
Ai çaktivizoi llogarinë e tij në Instagram dhe të gjithë u bënë kuriozë të mësonin ç’po kurdiste Fero.
Gjatë kësaj kohe reperi ka qëndruar më shumë në studion e tij “Gang Gang Entertainment” ku po punon në albumin e tij të dytë e po ashtu për artistët e tjerë. Ai po planifikon të rikthehet fuqishëm në muzikë me projekte të reja, të cilat fansat mezi i presin.
Madje, mediat kanë zbuluar edhe emrin e albumit të ri të Feros, i cili do të titullohet “Goat”.
Megjithatë, reperi kishte rezervuar një surprizë për të gjithë ditën e djeshme. Ai erdhi me një super bashkëpunim që nuk e priste askush.
Reperi ka bashkuar forcat me Veli Sahitin të grupit Trix për këngën ‘Liria ka emër’ , ku vjen ndryshe nga ai që kemi parë deri tani.
Dy ditë më parë u raportua se Fero dhe Arbenita kanë kurorëzuar dashurinë e tyre në martesë. Ata i kanë thënë “Po” njëri-tjetrit, por këtë gjë e dinë një rreth shumë i ngushtë i familjarëve e miqve të tyre.
