Motra e Beyonce, Solange Knowles, performoi si e ftuara në muzikalin e “Saturday Night Live”.
Solange dukej si një engjëll i viteve 1970, me një fustan të mbuluar me kristale “Swarovski” dhe me një aureolë si aksesorë, ndërsa performoi këngën “Cranes in the Sky”, nga albumi i ri “A Seat at the Table”.
Më pas ajo ndryshoi veshjen me një “crop top” dhe pantallona të bardha të shndritshme, të kombinuara me çizmet metalike për të kënduar “Don’t Touch My Hair”.
Nëna Tina Lawson dhe motra e saj Beyoncé u shfaqën në event për të treguar mbështetjen e tyre. Por edhe pse Solange është një grua 30-vjeçare me bashkëshort, një fëmijë dhe një album të parë, kjo nuk do të thotë që nuk është “më e vogla” e familjes dhe këtë ia demonstruan Tina dhe Beyoncé.
Në një video të këndshme publikuar në “Instagram”, nëna dhe motra krenare i bashkohen Solange në skenë, ku e morën në krah pavarësisht protestës së saj: “Jam 30 vjeç!!!”.
Pas shfaqjes, familja festoi me disa nga anëtarët e “Saturday Night Live”.
Burimi: Harper’s Bazaar
