Reperi i ri Don Xhoni është sot djali i ditëlindjes, i cili ka marrë urime të përzemërta nga fansat menjëherë sapo ka hyrë mesnata.
Xhoni ka lindur më 8 prill të vitit 2000 dhe sot ka mbushur 21 vjeç. Në fakt, ai s’ka pritur asnjë dhuratë për këtë ditë speciale, por do t’i dhurojë fansave një super këngë që me siguri do të kthehet shpejt në hit.
Projekti i ri titullohet “Maffia” dhe do të lançohet sot pasdite në orën 19:00. Ky do të jetë edhe projekti i parë muzikor i reperit për këtë vit.
Në këtë ditë speciale ai ka marrë një dhuratë mjaft speciale, të cilën ka vendosur që ta ndajë me ndjekësit e tij në InstaStory.
”Zakonisht unë nuk i publikoj dhuratat, por kjo është ”brutal” haha”, ka shkruar reperi krahas surprizës që i kishin bërë, një mbishkrim që lëvizte në qiell nëpërmjet dronit.
“Urime Ditëlindjen Don Xhon. Drenica është krenare me ty. Mbreti është 21”, është shkruar në surprizën që i është bërë reperit, për të cilën ai mesa duket është gëzuar jashtë mase.
Këto ditë, Don Xhoni ka qenë në qendër të vëmendjes për shkak të sherrit virtual me anëtarët e grupit “OTR”, Noizy-n, Varrosin, etj.
Varrosi publikoi dy ditë më parë këngën e tij më të re “Flamma”, që hapur ishte një diss për gjithë reperët e rinj. Ai përmend sherret që ka pasur personalisht dhe grupi ku bën pjesë “OTR” me disa nga reperët si Big Kik, Don Phenom, Mato Lale, Fero etj. Përveç tyre në këngë ai përmend edhe Don Xhonin, duke e thumbuar për deklaratën e famshme se ka kryer marrëdhënie me profesoreshën.
