Ajo njihet për këngët kushtuar ndarjes, por Adele është fatmirësisht e lumtur në jetën e saj personale këto ditë.
I dashuri i këngëtares Simon Konecki e surprizoi me një gjest të pabesueshëm romantik për të festuar përvjetorin e 5-të të tyre, gjatë koncertit në Nashville, Tennessee, mbrëmjen e së hënës.
Partneri prej një kohe të gjatë i Adele, me të cilin ajo ka rritur djalin 3-vjeçar Angelo, shkroi mesazhe të përzemërta në mijëra letra me ngjyra që u hodhën në fund të shfaqjes së saj.
Letrat me ngjyra që hidhen mbi audiencën në fund të çdo shfaqjeje, janë përgjithësisht të bardha dhe shkruajnë një fjalë nga tekstet e këngëve në secilën prej tyre.
Simon i ndryshoi gjërat duke përfshirë letra speciale rozë me mesazhe që përfshinin, “Të dua”, “Je një engjëll” dhe “Gëzuar përvjetorin”.
Gjatë interpretimit të “Rolling in the Deep”, Adele ndërpreu shfaqjen për të vënë re, “Kemi letra rozë sot!”, ndërsa fansat i postuan në “Twitter”.
Gjesti i ëmbël vjen pasi Adele tha se planifikon të bëhet nënë sërish.
Burimi: Daily Mail
